Monday, September 2, 2019

سینما گھروں میں آنے والے نازیبا حرکات کرتے پکڑے گئے

سینما گھروں میں آنے والے نازیبا حرکات کرتے پکڑے گئے

سینما گھروں میں آنے والے نازیبا حرکات کرتے پکڑے گئے


سینما گھروں میں لگے نائٹ وژن کیمروں کی ریکارڈنگ سامنے آ گئی

لاہور  : سیر و تفریح کے لیے پارکس ، تفریح گاہوں کے علاوہ سینما گھروں کو بھی خاص اہمیت حاصل ہے جہاں لوگ اپنی روزمرہ کی روٹین سے ہٹ کر دوست احباب یا اہل خانہ کے ساتھ چھُٹی کا دن انجوائے کرتے ہیں اور مختلف فلمیں دیکھ کر محظوظ ہوتے ہیں لیکن تفریح کے اس مقام پر، جہاں سینکڑوں کی تعداد میں لوگ موجود ہوتے ہیں، کچھ نازیبا حرکات ہوتی ہیں جس کا حال ہی میں انکشاف ہوا ہے۔

تفصیلات کے مطابق سینما گھروں میں آنے والے نوجوان لڑکے لڑکیوں کی سینما میں دورانفلم نازیبا حرکات کرنے کا انکشاف ہوا جس کی سی سی ٹی وی فوٹیج بھی سامنے آ گئی ہے جو سینما گھروں میں لگے نائٹ وژن کیمروں کی آنکھ میں محفوظ ہو گئی۔ سینما گھروں میں ہونے والی نازیبا حرکات و سکنات وہاں لگے تمام نائٹ وژن کیمروں کی آنکھ میں عکسبند ہو گئیں۔

سینما گھروں میں آنے والے نازیبا حرکات کرتے کیمرے میں آنکھ میں محفوظ ہو گئے۔

سینما گھروں میں نازیبا حرکات و سکنات کی ویڈیو فوٹیج منظر عام پر آنے کے بعد سینما گھر جانے والے شہری بھی محتاط ہو گئے ہیں۔ یہاں یہ بات قابل ذکر ہے کہ ڈیجیٹل سینما گھروں میں ایسے کیمرے نصب کیے گئے ہیں جو جدید ٹیکنالوجی سے مزئین ہیں۔ سینما گھروں میں نصب کیے جانے والے نائٹ وژن کیمروں کی ریکارڈنگ صاف اور واضح ہے جس میں اندھیرے میں سینما گھروں میں بیٹھنے اور نازیبا حرکات کرنے والے شہریوں کو واضح دیکھا جا سکتا ہے۔


سینما گھر کی ویڈیو لیک ہونے پر شہریوں کی جانب سے انتظامیہ کو تنقید کا نشانہ بھی بنایا گیا ، یہی وجہ ہے کہ سینما گھر کی انتظامیہ کا اس حوالے سے تاحال کوئی مؤقف سامنے نہیں آیا۔ شہریوں کا کہنا تھا کہ فوٹیج لیک کرنا پرائیویسی کی خلاف ورزی کرنے کے زمرے میں آتا ہے لیکن شہریوں کو بھی محتاط رہنا چاہئیے۔


Sunday, September 1, 2019

خدشہ ہے بھارت آزاد کشمیر میں کارروائی کرے گا، عمران خان

خدشہ ہے بھارت آزاد کشمیر میں کارروائی کرے گا، عمران خان

بھارت نے کوئی کارروائی کی تو پاکستان بھرپور جواب دے گا، دنیا خبردار رہے کہ جنوبی ایشیاء میں دو جوہری قوتیں آنکھوں میں آنکھیں ڈالے کھڑی ہیں،دہشتگردی کا اسلام سے کوئی تعلق نہیں۔اسلامک سوسائٹی آف نارتھ امریکا کے کنونشن سے خطاب.

وزیراعظم عمران خان نے کہا ہے کہ دہشتگردی کا اسلام سے کوئی تعلق نہیں،بدقسمتی سے نائن الیون کے بعد ہرواقعے کو اسلام سے جوڑا گیا، مغرب کو مسلمانوں کی رسول پاک ﷺ سے محبت ، عقیدت کو سمجھنا ہوگا، کسی بھی بھارتی کاروائی کا بھرپور جواب دیا جائیگا۔ وزیراعظم عمران خان نے آج اسلامک سوسائٹی آف نارتھ امریکا کے کنونشن سے ویڈیولنک کے ذریعے خطاب کرتے ہوئے کہا کہ بھارتکشمیرسے توجہ ہٹانے کیلئے دوبارہ فروری جیسا حملہ کرسکتا ہے۔کشمیر میں بھارت کا ظلم انتہاء کو پہنچ چکا۔ بھارت پر انتہا پسندانہ نظریہ قابض ہے۔ آر ایس ایس کے غنڈے گھروں میں حملے اور نوجوانوں کا اغواء کررہے ہیں۔انہوں نے کہا کہ دنیاخبردار رہے کہ جنوبی ایشیاء میں دو جوہری قوتیں آنکھوں میں آنکھیں ڈالے کھڑی ہیں۔بھارت کی کسی بھی کاروائی کا بھرپور جواب دیا جائے گا۔ وزیراعظم عمران خان نے کہا کہ دہشتگردی کا اسلام سے کوئی تعلق نہیں، بدقسمتی سے نائن الیون کے بعد ہرواقعے کو اسلام سے جوڑا جاتا ہے۔
اسلام امن کا مذہب اور امن سے رہنے کا درس دیتا ہے۔ انہوں نے کہا کہ مغرب کو مسلمانوں کی رسول پاک ﷺ سے محبت ، عقیدت کو سمجھنا ہوگا۔آزادی اظہار کا مطلب یہ نہیں کہ مذہبی جذبات کو نشانہ بنایا جائے۔ دوسری جانب وزیرخارجہ شاہ محمود قریشی نے کراچی میں گفتگو کرتے ہوئے کہا کہ ہم پرامن ملک ہیں۔ خطے کا امن خراب نہیں کرنا چاہیے۔ جنگ آخری آپشن ہوتا ہے۔
کوئی باشعورملک یا طبقہ جنگ سے گفتگو کا آغازنہیں کرتا۔ انہوں نے کہا کہ بھارت خطے کا امن تباہ کرنا چاہتا ہے،دنیا کو نوٹس لینا چاہیے۔ بھارت کسی غلط فہمی میں نہ رہے۔ جنگ مسلط کی تواپنے دفاع کی بھرپورصلاحیت رکھتے ہیں۔ شاہ محمود قریشی نے کہا کہ مجھے مذاکرات کا کوئی ماحول دکھائی نہیں دے رہا۔ مسئلہ کشمیرکے تین فریق ہیں۔ کشمیری قیادت اس وقت قید میں ہیں، نظربند ہیں، مذاکرات کون اورکیسے کرے گا؟ کشمیرمیں کرفیو لگا ہے، لاک ڈاؤن ہے، ایسے میںمذاکرات نہیں ہوسکتے


Thursday, May 30, 2019

کرکٹ ورلڈ کپ 2019؛ پاکستان آج پہلا میچ ویسٹ انڈیز کے خلاف کھیلے گا

کرکٹ ورلڈ کپ 2019؛ پاکستان آج پہلا میچ ویسٹ انڈیز کے خلاف کھیلے گا

ویب ڈیسک. پہلے میچ پاکستانی وقت کے مطابق دوپہر2:30 بجے شروع ہوگا۔ فوٹو :


ناٹنگھم: ورلڈ کپ میں قومی کرکٹ ٹیم اپنے سفر کا آغاز آج ویسٹ انڈیز کے خلاف میچ سے کرے گی۔


پاکستان   کرکٹ ٹیم ورلڈ کپ   میں اپنے سفر کا آغاز   آج ویسٹ  انڈیز  کے  خلاف  ناٹنگھم  میں  میچ  سے  کررہی  ہے، میچ  پاکستانی وقت کے  مطابق دوپہر2:30 بجے شروع ہوگا،  پاکستان کا ورلڈ کپ میں  پہلا ٹکراؤ ایک ایسی ٹیم سے ہونے جارہا ہے  جس نے نیوزی لینڈ کے خلاف  وارم اپ میچ میں 421 رنز بنائے تھے۔

  دوسری جانب ورلڈ کپ کے واحد وارم میچ میں قومی ٹیم کو افغانستان کے ہاتھوں شکست کا سامنا کرنا پڑا تھا جب کہ بنگلا دیش سے دوسرا وارم اپ میچ بارش کی نذر ہوگیا تھا۔

 میچ کیلیے اعلان شدہ12 رکنی ٹیم میں امام الحق، فخر زمان، بابر اعظم، محمد حفیظ، کپتان سرفراز احمد، حارث سہیل، عماد وسیم، شاداب خان، حسن علی، وہاب ریاض، محمد عامر اور آصف علی شامل ہیں۔

 واضح رہے کہ پاکستان ورلڈ کپ میں چوتھی مرتبہ اپنی مہم کا آغاز ویسٹ انڈیز کے خلاف میچ سے کرے گا، اس سے قبل کھیلے گئے ایسے 3 میچز میں قومی ٹیم صرف ایک بار فتح یاب رہی جب کہ کیریبیئن سائیڈ کو 2 مرتبہ کامیابی حاصل ہوئی ہے۔

ویسٹ انڈیز کیخلاف پاکستان کی فائنل 11 کا اعلان کردیا گیا، 3 اہم ترین کھلاڑی کل کا میچ نہیں کھیلیں گے

ویسٹ انڈیز کیخلاف پاکستان کی فائنل 11 کا اعلان کردیا گیا، 3 اہم ترین کھلاڑی کل کا میچ نہیں کھیلیں گے



 ویسٹ انڈیز کیخلاف پاکستان کی فائنل 11 کا اعلان کردیا گیا، 3 اہم ترین کھلاڑی کل کا میچ نہیں کھیلیں گے، سینئر آل راونڈر شعیب ملک، فاسٹ باولر محمد حسنین اور شاہین شاہ آفریدی کالی آندھی کیخلاف میچ کیلئے فائنل 11 کا حصہ نہیں ہوں گے۔ تفصیلات کے مطابق پاکستان ورلڈکپ کیلئے اپنی مہم کا آغاز کل ویسٹ انڈیز کیخلاف میچ سے کرے گا۔
ویسٹ انڈیز کیخلاف پاکستان کی فائنل 11 کا انتخاب کر لیا گیا ہے۔ بتایا گیا ہے کہ سینئر آل راونڈر شعیب ملک، فاسٹ باولر محمد حسنین اور شاہین شاہ آفریدی کالی آندھی کیخلاف میچ کیلئے فائنل 11 کا حصہ نہیں ہوں گے۔ ذرائع کے مطابق پاکستان تین فاسٹ بولروں اور تین سپنرز کے ساتھ میدان میں اترےگا،ٹیم میں چھ سپیشلسٹ بیٹسمین شامل ہوں گے، دو آل راﺅنڈرز عماد وسیم اور شاداب خان ٹیم میں شامل ہوں گے۔
پاکستان کے سب سے تجربہ کار بیٹسمین شعیب ملک ویسٹ انڈیز کےخلاف میچ کی الیون میں جگہ بنانے میں ناکام ہوگئے ہیں۔ 37سالہ شعیب ملک پاکستان کی جانب سے 284 ون ڈے انٹر نیشنل کا تجربہ رکھتے ہیں اور انہوں نے 7526 رنز بنانے کے ساتھ ساتھ157وکٹیں بنا رکھی ہیں لیکن ٹیم انتظامیہ نے انضمام الحق کی مشاورت سے شعیب ملک کو میچ میں ڈراپ کرنے کا فیصلہ کیا ہے،ان کی جگہ محمد حفیظ لیں گے ،ٹیم مینجمنٹ نے ویسٹ انڈین ٹیم میں بائیں ہاتھ کے کئی بیٹسمینوں کی موجودگی میں محمد حفیظ کی باﺅلنگ سے فائدہ اٹھانے کا فیصلہ کیا ہے ۔
جارح مزاج آصف علی کو حارث سہیل پر فوقیت دی جاسکتی ہے۔ ویسٹ انڈیز کےخلاف میچ میں فاسٹ بولر محمد حسنین، شاہین شاہ آفریدی اور شعیب ملک پاکستانی ٹیم کا حصہ نہیں ہیں،شعیب ملک اس سے قبل2007ءکے ورلڈ کپ میں شرکت کر چکے ہیں لیکن ان کی کارکردگی واجبی تھی۔پہلے میچ کے لئے پاکستان کی ممکنہ الیون میں امام الحق، فخر زمان، بابر اعظم، محمد حفیظ، سرفراز احمد (کپتان)، آصف علی، عماد وسیم،شاداب خان، محمد عامر، حسن علی اور وہاب ریاض شامل ہوں گے۔


امریکہ میں سیب جتنا وزن رکھنے والی بچی کی پیدائش



امریکہ میں سیب جتنا وزن رکھنے والی بچی کی پیدائش


امریکی ریاست کیلی فورنیا کے ہسپتال نے دنیا کی سب سے چھوٹی، کم وزن اور بچ جانے والی بچی کی پیدائش کا اعلان کیا ہے جس کا وزن صرف 245 گرام (8.6) اونس ہے۔ بچی کا پیدا ہونے کے وقت وزن ایک بڑے سیب جتنا تھا۔
خبر رساں ایجنسی اے ایف پی کے مطابق بچی کی پیدائش ریاست کیلی فورنیا کے شہر سان ڈیاگو کے شارپ میری برچ ہسپتال میں ہوئی ہے اور ہسپتال سٹاف نے اس کا نام سیبی رکھا۔ سیبی کی پیدائش کے وقت ان کی والدہ 23 ہفتے اور تین دن کی حاملہ تھیں۔
ڈاکٹروں کی جانب سے سیبی کی پیدائش کے وقت ان کے والد کو بتایا گیا تھا کہ ان کی بچی صرف ایک گھنٹہ ہی زندہ رہ سکے گی۔
ہسپتال کی جانب سے جاری کی گئی ویڈیو میں بچی کی والدہ کا کہنا تھا کہ ’یہ ایک گھنٹہ کئی گھنٹوں میں تبدیل ہو گیا اور پھر ایک دن اور پھر ایک ہفتہ ہو گیا۔‘
ڈاکٹروں کا کہنا ہے کہ سیبی کی پیدائش گذشتہ برس دسمبر میں آپریشن کے ذریعے ہوئی اور حمل کی سخت پیچیدگیوں نے ان کی والدہ کی جان کو بھی خطرے میں ڈال دیا تھا۔

سیبی کی پیدائش کے وقت ڈاکٹروں نے ان کے والد کو بتایا کہ ان کی بچی ایک گھنٹہ ہی زندہ رہ سکے گی۔ تصویر: اے ایف پی

سیبی کو پانچ ماہ تک ہسپتال کے انتہائی نگہداشت وارڈ میں رکھنے کے بعد اس مہینے کے شروع میں ڈسچارج کر دیا گیا اس وقت ان کا وزن پانچ پاؤنڈ تھا۔
ہسپتال کی ایک نرس ایما وائسٹ کا کہنا ہے کہ سیبی پیدا ہونے کے وقت اس قدر چھوٹی تھی کہ اسے بمشکل بستر پر دیکھا جا سکتا تھا۔
نرس کا مزید کہنا تھا کہ سیبی کا وزن بچوں کے جوس کے ڈبے جتنا تھا اور اسے آسانی سے ہتھیلی پر اٹھایا جا سکتا تھا۔
ایما وائسٹ نے کہا کہ جب انہیں معلوم ہوا کہ ان کے ہسپتال میں اس قدر چھوٹی بچی کی پیدائش ہوئی ہے تو یہ بات ناقابل یقین لگی کیونکہ سیبی کا وزن 23 ہفتوں کے بعد پیدا ہونے والے ایک عام بچے سے بھی آدھا تھا۔
یونیورسٹی آف آئیووا کی چھوٹے اور کم وزن بچوں کی فہرست کے مطابق سیبی دنیا کی سب سے چھوٹی بچی ہیں۔
اس سے قبل دنیا کے سب سے چھوٹے بچے کا ریکارڈ جرمنی میں 2015 میں پیدا ہونے والے بچے کا تھا جس کا پیدائش کے وقت وزن سیبی سے سات گرام زیادہ تھا۔
یونیورسٹی آف آئیووا کے پروفیسر ایڈورڈ بیل نے اے ایف پی سے گفتگو کرتے ہوئے کہا کہ کچھ لوگ یقین 
نہیں کرتے لیکن زندگی میں ایسے معجزات رونما ہوتے ہیں۔

ورلڈ کپ کے پہلے میچ میں انگلینڈ نے جنوبی افریقہ 104رنز سے شکست دے دی



ورلڈ کپ کے پہلے میچ میں انگلینڈ نے جنوبی افریقہ 104رنز سے شکست دے دی


دنیائے کرکٹ کے سب سے بڑے ایونٹ کرکٹ ورلڈ کپ میں اوول کے گراونڈ میں ہونے والے افتتاحی میچ میں میزبان انگلینڈ نے جنوبی افریقہ کو104 رنز سے شکست دے دی۔
جمعرات کو ہونے والے میچ میں جنوبی افریقہ کو انگلینڈ نے 50 اوورز کھیل کر 311 رنز کا ہدف دیا۔
ہدف کےتعاقب میں جنوبی افریقہ کی بیٹنگ لائن شروع سے ہی مشکل کا شکار رہی اور پوری ٹیم چالیسویں اوور میں 207 رنز بنا کر آوٹ ہو گئی۔
ڈی کاک نے جنوبی افریقہ کی جانب سے سب سے زیادہ 68 رنز بنائے۔
آرچر نے تین ،پلنکٹ، سٹوکس نے دو دو ،جبکہ راشد اور معین علی نے ایک ایک کھلاڑی کو آوٹ کیا۔
ورلڈ کپ کے پہلے میچ میں کپتان مورگن انگلینڈ کی جانب سے 200ون ڈےکھیل کر 7000رنز بنانےوالے پہلے کھلاڑی بن گئے۔
سٹوکس نے عمدہ بیٹنگ کرتے ہوئے 89 رنز بنائے دیگر کھلاڑیوں میں جیسن رائے،جوئے روٹس،اور کپتان مورگن نے شاندار نصف سنچریاں بنائیں ۔
نگیدی نے تین،عمران طاہر،ربادا نے دو جبکہ فلیکوایو نے ایک وکٹ حاصل کی۔
سٹوکس 89 رنز پر نگیدی ،جیسن رائے 54رنز بنا کر فلیکوایو, جوئے روٹ 51رنز بنا کرربادا,مورگن57 اور بیرسٹو بغیر کوئی رنز بنائے عمران طاہر کی بال پر کیچ آوٹ ہوئے ۔
انگلینڈ نے بیٹنگ کا آغاز کیا تو دوسری ہی بال پر عمران طاہر نے انگلینڈ کی پہلی وکٹ حاصل کر کے بیٹنگ لائن کو مشکل میں ڈال دیا۔
ورلڈ کپ 2019کی پہلی وکٹ عمران طاہر نے اپنے نام کر لی
ورلڈ کپ کے اب تک ہونے والے گیارہ ایڈیشنز میں سے دونوں ٹیمیں چھ بار آمنے سامنے آئیں۔
 پہلی بار انگلینڈ اور جنوبی افریقہ کا 1992کے ورلڈ کپ میں ٹاکرا ہوا، جس میں ایک دلچسپ مقابلے کے بعد انگلینڈ نے جنوبی افریقہ کو شکست دی۔
 دوسری بار بھی 1992کے ورلڈ کپ میں انگلینڈ نے جنوبی افریقہ کو ڈھیر کیا۔
 تیسری اور چوتھی مرتبہ 1996 اور 1999 کے ورلڈ کپ میں جنوبی افریقہ کا پلڑا بھاری رہا اور اس نے انگلینڈ کو شکست دی۔
 پانچویں بار 2007کے ورلڈ کپ ایڈیشن میں بھی جنوبی افریقہ نے انگلینڈ کو پولین کی راہ دکھائی۔
 جبکہ چھٹی بار2011میں انگلینڈ نے کامیابی حاصل کی۔
 ماضی کے ریکارڈ کو دیکھا جائے تودونوں ٹیمیں برابر نظر آتی ہیں، مگر آئی سی سی کی رینکنگ میں انگلینڈ سب سے پہلے نمبر کی ٹیم ہے۔ اب دیکھنا یہ ہے کہ میدان میں کون سی ٹیم کا پلڑا بھاری رہے گا