Friday, November 22, 2019

کراچی میں ڈکیتی کی انوکھی واردات نے سب کو پریشان کر کے رکھ دیا|urdu news

ad300
Advertisement

کراچی میں ڈکیتی کی انوکھی واردات نے سب کو پریشان کر کے رکھ دیا

خاتون نے ایسی بات کہہ دی کہ ڈاکو تمام سامان چھوڑ کر چلے گئے اور جاتے وقت اپنے حق میں دُعا کرنے کا بھی کہہ گئے



کراچی یہ دُنیا ابھی رحم اور احساس سے خالی نہیں ہوئی۔ بڑے بڑے مجرمانہ ذہنیت کے حامل لوگوں میں بھی خدا خوفی اور انسانیت کی رمق پائی جاتی ہے۔ ایسی ہی ایک مثال کراچی کے علاقے کورنگی 5میں دیکھنے میں آئی جہاں ڈاکو آئے توایک گھر میں رقم اور قیمتی سامان لُوٹنے کو تھے، مگر عین وقت پر اللہ تعالیٰ نے اُن کے دِل میں ایسا رحم ڈالا کہ وہ سب لُوٹی ہوئی مال و دولت چھوڑ چھاڑ کر وہاں سے چلتے بنے، اور دلچسپ بات یہ ہے کہ جاتے ہوئے اہلِ خانہ کو دُعائیں دے کر رخصت ہوئے۔
تفصیلات کے مطابق چار ڈاکو دِن دیہاڑے ایک گھر میں ڈکیتی کی غرض سے گھُس گئے جہاں اس وقت صرف تین عورتیں موجود تھیں۔ ڈاکوؤں نے ان خواتین کو یرغمال بنا کر لُوٹ مار شروع کر دی۔
ایک کمرے سے قیمتی سامان اور نقدی لُوٹ کر جب یہ ڈاکو گھر میں واقع ایک اور کمرے میں گئے تو وہاں پر موجود ایک خاتون نے اُنہیں دیکھتے ساتھ ہی اپنا چہرہ چادر سے ڈھک لیا اور اُن سے درد بھرے لہجے میں کہنے لگی کہ وہ جو سامان لُوٹ کر لے جانا چاہیں، لے جائیں مگر اس کے سامنے نہ آئیں، کیونکہ وہ ان دِنوں عِدت سے ہے، ابھی دو ہفتے قبل ہی اُس کے خاوند کی وفات ہوئی ہے۔
بس اتنا سُننا تھا کہ ان ڈاکوؤں کے دِل کی کیفیت یکایک بدل گئی اوروہ لُوٹا ہوا تمام سامان وہیں چھوڑ کر فوری طور پر چلے گئے۔ یہی نہیں بلکہ جاتے جاتے گھر والوں سے کہہ گئے کہ وہ ان کے حق میں بھی دُعا کریں۔اس واقعے کی ویڈیو بھی سامنے آئی ہے جس میں گھر والے دکھا رہے ہیں کہ کیسے ڈاکوؤں نے الماریوں سے کھینچ کھینچ کر سامان نکالا مگر جاتے وقت تمام نقدی، زیورات، موبائل فون اور دیگر قیمتی اشیاء ڈائننگ ٹیبل پر رکھ گئے۔ گھر والوں نے رحم دِل ڈاکوؤں کے جانے کے بعد تمام اہلِ محلہ کو اکٹھا کر کے ساری کہانی سُنائی تو وہ بھی حیران رہ گئی۔

Share This
Previous Post
First

I am Prince Rz founder of PrinceRzTv...Here You Can see the important news and also you can Learn Based Computer Tips Tricks, Earning Tips and Tricks, Free Internet Methods and Gadgets Reviews/Unboxing For Sponsorship: ► princerztvofficial@gmail.com✉.

0 Comments: